As jy die moeite gedoen het om te registreer op hierdie netwerk, het jy per implikasie ook "ja" gese vir die gebruikersbeleid van die netwerk. Ons verkies om nie bladsye se niksseggende beleid op jou af te dwing nie, maar die volgende paar punte is van uiterste belang as jy die voordele van die netwerk wil geniet.

• Alle gesprekke geskied te alle tye binne die grense van wedersydse respek. Alhoewel ruimte gelaat word vir gesonde debat oor alle sake, sal geen persoonlike aanvalle of afbrekende taal geduld word nie.
• Die netwerk is hoofsaaklik gemik op die aktiwiteite in en rondom Moreletapark Gemeente. Jy is egter ook welkom om persoonlike inligting, foto's, videos en ander materiaal op te laai, solank dit nie die gees en atmosfeer van die netwerk, die gemeente en ons Christelike geloofsoortuigings te na kom nie.
• Die administreerders van die netwerk behou die reg voor om enige persoon wat die gees van die netwerk herhaaldelik ondermyn te verban, en ook die rekening en enige data van sodanige persoon summier uit te vee.